حوار بين عراقي ولفة فلافل

هذا حوار بين عراقي ولفة فلافل ...




شترى مواطن عراقي لفة فلافل وفتح حلگه يريد ياكلها

لفة الفلافل (داتصيح): أنتظر، الله يخليك لا تاكلني مو احنه اخوة

المواطن (مستغرب): شنو عيني شنو ؟ شلون عيني أخوة ؟

لفة الفلافل: طبعاً ، شوفنا اثنينا ، اني أتگلى يوميه بالنار والحر، وأنت همين تخلص يومك متگلي بالشغل والحر وبالشمس الحاره وفوكاها الكهرباء طافيه.

المواطن: كافي عيني... أنا جوعان واليوم الا آكلج فلا تعبين نفسج تقنعيني بشغلات فارغة.

لفة الفلافل: أنت أخويه وأني مصممه على هذا الشي ، ملاحظت أنه سعرنا احنا الاثنين رخيص في بلدنا، ونصير أكبر قيمة في بلاد الأجنبي.

المواطن: يجوز عندج حق بس هذا مو سبب كافي تقنعيني بيه بانه احنا اخوة . خوش حبابه..

لفة الفلافل: زين شوف جسمنا ثنينه ضعاف وطوال ولونه أصفر، وماكو بداخلنا غير جم فلفلايه وشوية زلاطة وعنبه ..

المواطن: والله هسه يله اقتنعت ، صدك عندج حق يا اختي بس فاتج شيء مهم كلش ..

لفة الفلافل: وشنو هذا الشيء المهم كلش ؟؟

المواطن: يعني ما تدرين يا عزيزتي أنه احنا العرب يأكل واحد باللاخ يعني الاخ ياكل اخوه .. فما بيها شي اذا اني آكلج ..

لفة الفلافل (خايفه): لا..الله يخليك لالالالالاااااااا..

وبلگمتين مبقى اي أثر للفة الفلافل ..... خطية


انشالة عجبكم

هههههههههههههههههههههه
يسامووووووووووووووووووووووو

يسلمو ع المرور يا نغومة

هههههههههههههه قصه حلوه بس غير لفه هاي لو اني وتحاجيني اللفه اشمرها واشرد

ههههههههههه

ماكو لفة تحجي ارتاح


شكر ع المرور العطر